Полициска контрола викендов во Скопје: 183 лица возеле со поголема брзина
Полициската контрола на подрачјето на Секторот за внатрешни работи Скопје во изминатите три дена (21-23 јуни) утврдила дека 183 возачи управувале возила со брзина поголема од дозволената.
Како што соопшти МВР, од сообраќај се исклучени 94 возачи, од кои 31 возач затоа што управувал возило под дејство на алкохол, 56 возачи затоа што немале право за управување моторно возило и седум возачи затоа што биле возачи-почетници. Од сообраќај се исклучени и 46 возила бидејќи биле со истечена важност на сообраќајната дозвола.
Санкционирани се двајца возачи поради поминување на крстосница на црвено светло, двајца возачи поради недавање првенство на минување на пешаци, пет возачи поради неправилно престројување, четири возачи поради неправилно престигнување, 30 возачи на мотоцикли поради неносење заштитен шлем, четири возачи поради неносење сигурносен појас за време на управување на моторно возило и пет возачи поради користење мобилен телефон при управување возило.
Во однос на пешаците, санкциониран е еден пешак поради поминување коловоз на црвено светло. Во текот на изминатите денови издадени се 129 мандатни платни налози и 88 возила се подигнати со специјално возило „пајак”.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација