Полицијата откри 38 мигранти од Пакистан и Индија кај Демир Капија
Полицијата во камион пред тунелите кај Демир Капија вчера открила 38 мигранти, од кои 35 од Пакистан и тројца од Индија.
Мигрантите биле откриени вчера изутрина околу 4:30 часот од страна на полициски патролен тим од полициските станици за Михајлово и Неготино, на регионалниот пат Гевгелија-Скопје, во товарно моторно возило марка „Форд Транзит“ во близина на базата на „Актор“ пред тунелите кај Демир Капија.
МВР соопшти дека откако полициските службеници го забележале товарното возило со велешки регистарски таблички во близина на местото викано „Арсови лаки“ и дале знак за запирање, возачот не запрел туку продолжил да се движи кон тунелите кај Демир Капија.
Полициската патрола поради сомневање се упатила по товарното возило и по извесно време возилото е пронајдено, оставено и без возач, со мигрантите сместени во товарниот дел од комбето. Констатирано е дека возилото имало лажни регистарски таблички.
Со мигрантите кои биле на возраст од 17 до 41 година извршен е разговор, при што е констатирано дека тие илегално пеш влегле во Република Македонија од Република Грција во текот на претходната ноќ, со помош на лица, исто така, мигранти и дека биле со намера илегално да транзитираат преку Македонија и Србија, до западноевроските земји. За тоа поединечно платиле околу 4.000 евра. Набрзо по влезот во земјава во близина на македонско-грчката граница се качиле во товарното возило.
За настанот е известен дежурен јавен обвинител од Основното јавно обвинителство на Република Македонија – за гонење на сторители на кривични дела од областа на организираниот криминал и корупција Скопје.
Се работи на целосно расчистување на случајот и откривање на инволвираните лица.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација