Македонија
4. November 2015 - 12:48

Поднесено обвинение за 29 лица за случувањата во Дива населба

Врз основа на досегашните докази од истрагата во врска со кумановските настани од 9 и 10 мај годинава, Основното јавно обвинителство за гонење на организиран криминал и корупција  до Основниот суд Скопје 1 – Скопје поднесе обвинение против 29 лица.

- Обвинетите се товарат за сторени кривични дела „терористичка организација” од чл. 394 – а и „тероризам” од чл. 394 -б од Кривичниот законик, се наведува во денешното соопштение од Јавното обвинителство.

Надлежниот обвинител доставил и Предлог за продолжување на мерката „притвор за обвинетите“.

Во дводневната престрелка во кумановската Дива населба загинаа осум припадници на македонската полиција и десет припадници на вооружената група. Во полициската акција беа уапсени триесетина лица под сомнение дека се дел од вооружената теросристичка група.