Свет
26. November 2017 - 10:41

Почнуваат парламентарните избори во Непал

Северните области на хималајската држава Непал денеска гласаат на делумните парламентарни и регионални избори, кои се одржуваат под засилено полициско присуство поради серијата бомбашки напади во пресрет на гласањето.

Импровизирана бомба вчера експлодираше пред куќата на поранешниот премиер и актуелен опозициски активист Шарма Оли, а полицијата превентивно уапси 500 припадници на Комунистичката партија на Непал, за да спречи посериозни насилства, јави новинската агенција ДПА.

Денеска гласаат околу три милиони гласачи во 32 од северните области во земјата. На 7 декември, пак, гласат граѓаните во главниот град Катманду и во јужните, по-рамничарски области. Главната политичка битка се води меѓу владејачката лево ориентирана Непалска конгресна партија и коалицијата на марксистичко-ленинистичките партии со маоистичкото движење.