Почнува снимањето на новиот македонски филм „Златна петорка“
Долгометражниот игран филм за убиството на пет струмички студенти во 1951 година, насловен „Златна петорка“ почнува да се снима денеска во Струмица. Снимањето ќе трае 24 работни дена и ќе се одвива главно на локации на територијата на таа општина.
Филмот се очекува да биде завршен за кино-прикажување идната година со премиера на некој од светските филмски фестивали.
Режисерот на „Златна петорка“, Горан Тренчовски истакна дека филмот опфаќа мотиви кои се мошне интересни од нивен филмски аспект и третираат тема која ја екранизираме на нивен фикционален начин.
- Значи не правиме ниту биографски, ниту историски спектакл, туку напротив обработуваме интимна драма, која е вгнездена во стегите на некогашниот режим конкретно во 1951 година, кога провејува мотивот за апсурдната ликвидација на петтемина струмички студенти, рече Тренчовски.
Според директорот на фотографија, Апостол Трпески, станува збор за љубовна приказна, суптилна тема сместена во едно милје во минатото и едно милје во сегашноста.
Во „Златна петорка“ играат актерите: Славко Штимац, Петре Арсовски, Љупка Џундева, Ненад Милосављевиќ, Игор Ангелов, Јана Стојановска, Александар Ристовски, Влатко Илиевски, Васил Михајлов, Стојан Велков, Биљана Таневска, Диме Дрваров, Виктор Јакимовски, Григор Јовановски и Игор Тодоров.
Сценографијата е на Кирил Спасески, костимограф е Нела Тодоровска, а тонот е на Дарко Спасевски.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар