Почнува назначувањето на третиот ешалон, Владата ќе расправа и за разрешување на Димова
Од денеска почнува назначувањето на директорите на институциите кои се под надлежност на Владата, соопшти денеска премиерот Зоран Заев, откривајќи дека за директор на јавното претпријатие за државни патишта ќе биде назначен Ејуп Рустеми.
– Дел од одлуките ќе бидат донесени денеска. Дел ќе бидат донесени одлуки за распишување на конкурс бидејќи има институции кои своите раководни места ги бираат на конкурс. Има и дел од одлуки со кои ќе се дадат јасни упатства на управни и надзорни одбори поставени од Владата за политичко постапување на раководни места, изјави Заев, одговарајќи на новинарски прашања по одржувањето на Меѓународната научна конференција „Македонскиот јазик – извор на научни истражувања“.
Верува дека овој процес ќе биде завршен за 10-15 дена, освен за оние места каде раководните лица се избираат на конкурс.
На денешната владина седница е најавено дека ќе биде разгледан и предлогот за разрешување на директорката на Националната агенција за европски програми Лидија Димова.
Според премиерот, има доволно аргументи за таа да биде разрешена од етички причини.
– Лично јас, тој предлог ќе го поддржам, односно доколку Владата се согласи, ќе дадеме сугестии до Управниот одбор да постапи заради етички дел. Другиот дел е нешто што го работат други институции, а тоа е за евентуална кривична одговорност за незаконско работење. Има доволен етички дел каде што треба да се понесе одговорност и се согласувам дека Владата треба да реагира за вакви прашања, нагласи Заев.
Во однос на предлогот на Арбен Таравари од Алијанса за Албанците да се формира широка техничка влада за справување со пандемијата, премиерот Заев рече дека секој предлог е достоен да биде разгледан, но оти сепак верува дека Владата има доволен капацитет да се справи со предизвиците.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка