Почна учебната година во Преспа
За 1.068 основци, од кои 128 првачиња и за 316 средношколци во Преспа денеска почна новата учебна 2018/2019 година.
Добрoдојде и успешен почеток на првачињата им посака градоначалникот на општина Ресен, Живко Гошаревски.
- Нека е честит почетокот на новата учебна година и денот кој особено ќе го паметите вие, првачињата кои денеска седнавте во училишните клупи. Пред вас се најубавите години исполнети со учење и осознавање на светот околу вас, ваша лична надоградба, раст и развој. Учете, образувајте се и еден ден да станете генерација на нови градители на развојот на нашата општина и општеството, рече Гошаревски.
Во ресенските училишта, како што информира за МИА Ѓорѓи Ставревски, задолжен за образование во општината, има мало зголемување на бројот на првачиња во однос на минатата година кога учебната година ја почнале 125 првоодделенци.
- Последните години состојбата се одржува на едно исто ниво, со тенденција на мало зголемување на запишани првачиња во петте основни училишта на подрачјето на Општина Ресен, изјави Ставревски.
Во основното училиште „Мите Богоевски“ од 521 ученик, 73 се првачиња, во „Гоце Делчев“ има 288 ученици меѓу нив и 32 првачиња. Во „Браќа Миладиновци“ во Царев Двор запишани се шест првачиња, а вкупно има 96 ученици, во училиштето „Славејко Арсов“ во селото Подмочани запишани се 98 ученици, меѓу нив 11 во прво одделение и во „Димитар Влахов“ во Љубојно има 65 ученици од кои осум првачиња.
Општина Ресен донираше дел од потребниот училишен прибор и хигиенски средства во сите основни училишта на нејзина територија.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри