Почна преместувањето на мигрантите и бегалците од Вучјак
Денеска почна преместувањето на групата мигранти и бегалци од прифатниот центар Вучјак кај Бихаќ, по што кампот би требало во целост да биде затворен, јави Ал Џезира Балканс.
Мигрантите и бегалците кои престојуваат во кампот Вучјак привремено ќе бидат преместени во центарот Ушивак додека не се адаптира касарната Блажуј кај Сараево, каде би требало сите да бидат преместени.
Според податоци на Црвениот Крст во Бихаќ, повеќе од 600 лица се сместени во кампот од отворен тип Вучјак, во кој мигрантите секојдневно доаѓаат и си заминуваат од него.
Комесарката за човекови права на Советот на Европа Дуња Мијатовиќ претходно ги повика властите на Босна и Херцеговина под итно да ги преместат мигрантите од капот за да се избегне хуманитарна криза, а сличен апел претходно упатија и од Делегацијата на Европската унија во БиХ и Канцеларијата на специјалниот претставник на ЕУ во БиХ.
Мигрантите и бегалците во Вучјак престојуваа под најлонски шатори, без вода за пиење и струја, и им се закануваше опасност од зараза и смрзнување.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април