Почна градба на лифт за инвалидизирани лица во општинската зграда во Кавадарци
Почна градбата на лифт за инвалидизирани лица во општинската зграда во Кавадарци, проект во вредност од 1 милион и 100 илјади денари.
Целта е, информираат од Службата за односи со јавноста при Локалната самоуправа,инвалидизираните лица полесно да доаѓаат до институциите на системот и самостојно да ги завршат неопходните работи поврзани со нив.
Планирано е, посочуваат, во наредните две години сите институции во Општината да им бидат достапни на лицата со посебни потреби.
- Започнуваме со Локалната смоуправа, најмногу благодарение на Вардарскиот плански регион каде заеднички аплициравме со општина Велес. Во Велес веќе е изграден ваков лифт. Сега, по завршувањето на тендерската постапка, проектот се имплементира и во Кавадарци, соопштија од општинската Служба за информирање.
Како што појаснуваат, составен дел на овој проект е изградбата на пристапни рампи во Основното општинско училиште „Гоце Делчев“.
- Но, се работи на тоа комплетно да се заокружи овој процес. Сигурни сме дека наредната година сите училишта и јавни институции ќе бидат достапни и до инвалидизираните лица, информираат од Службата за односи со јавноста при општина Кавадарци.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април