Фудбал
9. јуни 2016 - 13:17

Почина тренерот Левандовски

Поранешниот тренер на Баер Леверкузен Саша Левандовски ненадејно починал во средата на 44-годишна возраст. Полицијата во Бухум, соопшти дека тренерот кој има презиме како и напаѓачот на Полска и Баерн Минхен, бил пронајден мртов во својот стан, без да ја наведе причината за смртта.
 
Саша Левандовски, во сезоната 2012/2013, заедно со Сами Хипија го предводеше Баерн Леверкузен до третото место во Бундеслигата и пласман во Лигата на шампионите.
 
Минатиот септември, Левандовски стана тренер на Унион Берлин, но на лекарска препорака тој се повлекол од функцијата во март оваа година. Лекарите му препорачале на Левандовски да поднесе оставка поради хроничен стрес.
 
Инаку, Саша Левандовски не е во никаква роднинска врска со еден од најдобрите светски напаѓачи Роберт Левандовски.