ПОЦ ќе набавува машини за чистење на паркинзите

Јавното претпријатие за јавни паркиралишта „Паркинзи на Општина  Центар“-Скопје распиша објава за јавна набавка на машини за чистење на паркиралишта.

Како што информираат од ПОЦ набавката на машините е со цел да се одржи хигиената и чистотата на јавните паркиралишта со кои стопанисува јавното претпријатие и катните гаражи, како и да се подигне свеста на граѓаните за заштитата на животната средина и нејзиното одржување.

- Предвидено е понудувачот да достави понуда за набавка на два типа на машини за чистење: машина за суво чистење (вшмукување) и машина за чистење на вода (чистење на гаражи со мазни површини). Проценета вредност на набавката изнесува 900.000 денари без вклучен ДДВ. Постапката ќе се спроведе со електронски средства преку системот на ЕСЈН со користење на електронска аукција. За најповолен понудувач ќе биде избран понудувачот кој ќе понуди најниска цена на аукцијата, информираат од ПОЦ.

Тендерот е објавен преку Електронскиот систем за јавни набавки на  
4 септември 2017 година, а краен рок за доставување на понуди е до 14-ти овој месец.