Македонија
10. May 2017 - 8:57

По повод Денот на Европа СЕП организира средби со студенти

Секретаријатот за европски прашања во рамките на активностите за одбележување на Денот на Европа денеска организира неформална средба со студенти-алумни на програмата Еразмус, меѓу кои и студенти од странство кои во моментов се на размена во Македонија.

На средбата ќе присуствуваат заменик претседателот на Владата на Република Македонија задолжен за европски прашања Арбр Адеми, амбасадорот на Европска унија во Република Македонија Самуел Жбогар и директорот на Националната агенција за европски образовни програми и мобилност Дарко Димитров.

Средбата ќе се одржи во просториите на МК-ЕУ Инфо центарот на Плоштад Македонија во Скопје.