Петков денеска официјално ќе поднесе оставка
Денеска се очекува да биде поднесена оставка на бугарската влада предводена од премиерот Кирил Петков, откако минатата недела не успеа да го надмине гласањето за недоверба, јави дописникот на МИА од Софија.
Бугарскиот претседател Румен Радев е пред почеток на консултации со пратеничките групи во Народното собрание и потоа доставување мандат за составување нова влада. Уште во петокот додека Петков беше во Брисел на Советот на ЕУ, Радев најави дека очекува оставка на Петков бидејќи тој ќе ја започне процедурата.
Според бугарскиот устав, Националното собрание има право да направи три обиди за формирање на кабинет.
Првиот мандат Радев треба да го додели на „Продолжуваме со промената“ како најголема пратеничка група во бугарскиот парламент, која има намера повторно да го предложи Кирил Петков за премиер.
Доколку „Продолжуваме со промената“ не успеат да обезбедат мнозинство и нова влада, претседателот ќе го предаде вториот мандат на ГЕРБ-СДС, која вчера најави дека веднаш ќе му го врати на Румен Радев. Третиот мандат на претседателот на Бугарија избира на која од останатите пратенички групи ќе и го додели.
Доколку третиот обид не успее, Радев назначува преодна влада, го распушта Националното собрание и закажува предвремени избори.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња