Патниците да очекуваат доцнења на германските аеродроми

Патниците да очекуваат доцнења и откажувања на летови на германските аеродроми во Среда поради планираниот штрајк вклучувајќи ги и двата најголеми аеродроми во Франкфурт и Минхен.
 

Еден од најголемите германски синдикати "Вер.Ди“  (2,2 милиони членови) ги повика своите членови вработени на аеродромите во Франкфурт, Минхен, Дизелдорф, Келн/ Бон, Диртмунд и Хановер да започнат штрајк в Среда.

На штрајкот се очекува да се приклучат и членовите на противпожарните бригади, механичарите, шалтерските работници, воздушната контрола и другиот персонал на аеродромите а за во Франкфурт се планирани и големи демонстрации на неколку локации. 

Синдикатот бара зголемување на платите во следната рунда на преговорите што се водат со работодавачите. Информацијата за штрајкот што пред време ја објавува синдикатот е со цел да се преупредат патниците да најдат друг начин на патување, велат претставници на организаторот на штрајкот што ќе го блокира германскиот авиотранспорт в Среда.