Партија Неос: Курц да престане да „пали“ низ Балканот
Лидерот на Народната партија на Австрија (ОВП) Себастијан Курц треба да престане да „пали“ на Балканот, истакнаа Штефи Криспер и Даглас Хојс од австриската партија Неос, реагирајќи на интервјуто дадено од поранешниот австриски канцелар за „Танјуг“.
„ОВП, со својот неодговорен пристап, ја загрозува безбедноста на Западен Балкан и Австрија“, велат тие, по изјавата на Курц дека Австрија ќе прифати какво било решение постигнато од Белград и Приштина во дијалог, па дури и промена на границата ако тоа придонесе за воспоставување одржлива стабилност.
„Не треба да се игра со промена на границите по етничка линија, како што замислиле Александар Вучиќ и Хашим Тачи“, предупредува Криспер.
Тој додава дека поддршката на Австрија за таква опција може да доведе до тоа да „националистичките сили“ на Балканот, особено наведувајќи ги босанските Срби под Милорад Додик, го бараат истото, за кое тој проценува дека ќе доведе до дестабилизација на целиот регион.
„Себастијан Курц се залага за неодговорна и опасна надворешна политика“, истакнува Хојс.
Ново на Сител
-
СПM не е изненадена од одлуката со која Јакимовски и Јанева се ставени на Црната листа на САД
-
Нотингем Форест казнет со четири бодови
-
Агелер: САД ќе продолжат да ги именуваат функционерите вклучени во корупција
-
Тепачка на фудбалски натпревар во Богомила: Се степале двете екипи и публиката
-
Нападнат возач на ЈСП
-
Кабинет на Тренчевска: Велковски без конкретни информации излегува со лажни обвиненија
-
Kaтица Јанева и Стевче Јакимовски завршија на црната листа на САД
-
Јакимовски ја потврди кандидатурата за претседател пред Државната изборна комисија