Македонија
31. March 2023 - 14:56

Парична казна за тетовец поради „Фејсбук“ објава против поранешната американска амбасадорка

Тетовското обвинителство до надлежниот суд поднесе Предлог за издавање казнен налог против 40-годишен тетовец, кој се товари за повреда на угледот на странска држава.

„Со коментар со вулгарна и навредувачка содржина на социјалната мрежа Фејсбук, на 12.04.2022 година, обвинетиот ја изложил на подбив тогашната амбасадорка на САД во земјава и на тој начин го сторил кривичното дело“, велат од Обвинителството.

Надлежниот јавен обвинител му предложи на Основниот суд во Тетово да му изрече на обвинетиот парична казна од 100 дневни глоби.​