Палмер очекува Курти и Вучиќ да соработуваат за изнаоѓање решение за косовско-српските спорови
Заменикот помошник државен секретар на САД задолжен за европски и евроазиски прашања и за Западен Балкан и Егејот, Метју Палмер, во пресрет на најавената средба на косовскиот премиер Албин Курти и српскиот претседател Александар Вучиќ, што треба да се одржи кон средината на месецов во Брисел, изјави дека очекува двајцата државни лидери да соработуваат во унапредување на дијалогот меѓу нивните држави, јави дописникот на МИА од Приштина.
Во изјава за косовската државна телевизија РТК, Палмер синоќа порача дека Вашингтон и Европската унија очекуваат процесот да резултира со „помирување и договор“ меѓу Косово и Србија.
– Се надеваме и очекуваме (Курти и Вучиќ) да се посветат на процесот и да работат заедно на идентификувањето на приоритетите, да работат на програмата за работа, да започнат еден процес. Ние чувствуваме одредена итност за овој процес и очекуваме работите да се движат брзо, да се постигне едно помирување и договор. Ние ќе бидеме тука за да го помогнеме тој процес, изјави Палмер.
Американскиот диломат рече дека „нема строги временски рокови“ за постигнување договор, но порача дека „што повеќе се оддолжува, толку потешко ќе биде“.
– До учесниците во процесот е да работат во правец на нормализацијата на односите и на патот кон ЕУ. Не е работа на ЕУ и САД да одлучат за што ќе се дискутира, како ќе ги решаваат прашањата и што ќе одлучат во врска со потешкотиите и за работите за кои саакаат да дискутираат и да најдат компромис, изјави Палмер.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка