Озонската обвивка се подобрува, научниците откриваат какви промени ќе донесе тоа
Дупката во озонската обвивка над Антарктикот полека „закрепнува“, затоа што дојде до намалување на користењето на супстанци кои доведуваат до уништување на озонот. За тоа најмногу е заслужно потпишувањето на Протоколот во Монтреал во 1987-ма година.
Поради озонската дупка настанаа промени во ветровите над јужната хемисфера, сметаат научниците. Поради оштетувањето на озонската обвивка, воздушните струи се поместувале кон југ, а сега ситуацијата е обратна.
Пред 2000-та година, воздушните струи постепено се поместувале кон Јужниот пол, а тие кои што предизвикувале торнада се ширеле. Тоа дополнително влијае на создавањето на дождови во јужната хемисфера, па затоа Австралија се соочуваше со големи суши.
Научниците со помош на компјутерски симулации утврдиле дека воздушните струи престанаа да се поместуваат кон југ, откако озонската дупка започна да се намалува. Минатаата година озонската дупка над Антарктикот беше со најмала големина од 1982-ра година, но тоа беше само привремено.
Се смета дека причина за тоа биле невообичаено благите температури во тој дел од атмосферата.
Озонската дупка се наоѓа од 11 до 40 километри над површината на Земјата и служи како заштита од зрачењето на Сонцето.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка