ОН оваа година и доделија 7,45 милиони долари помош на Србија

ОН од јуни до декември оваа година и доделија 7,45 милиони долари помош на Србија за решавање на бегалската криза, а денеска е најавено дека за следната година агенциите на светската организација предлагаат да се издвојат уште 45 милиони долари за земјата.

- Со Регионалниот план на одговори е предвидено издвојување на помош за Грција, Македонија, Србија, Хрватска, Унгарија, Словенија и Турција за потребите на мигрантите и бегалците во 2016 година, изјави Ханс Шодер, шеф на Високиот комесаријат на ОН за бегалци (УНХЦР) во Србија.

Планот ќе почне да се спроведува во текот на овој месец во Женева под покровителство на УНХЦР и Меѓународната организација за миграција.