Отворен најдолгиот железнички тунел во светот
Најдолгиот и најдлабокиот желенички тунел во светот е отворен денеска во Швајцарија, после 17 години интензивна изградба.
Тунелот „Готхард“ е долг 57 километри и ги поврзува Швајцарија и Италија, но и северните и јужните делови на Европа.
Транспортните експерти објаснуваат дека овој тунел ќе го револуционизира товарниот транспорт. Стоки и разни прозводи, што сега се превезуваат со еден милион камиони секоја година, сега ќе се пренесуваат со железница.
„Готхард“ со својата должина ги надмина јапонскиот тунел Сеикан, долг 53,9 километри и тунелот под Ламанш, долг 59,5 километри кои ги поврзува со железничка врска Велика Британија и Франција.
Претседателот на Швајцарската федерација, Јохан Шнајдер Аман изјави на свеченоста во местото Ертсфилд, кај северниот влез на тунелот, дека „Готхард“ претставува „гигантски чекор за Швајцарија, но и за нејзнините соседи, како и за целиот европски континент“.
На свеченото отворање на овој огромен градежен и транспортен проект, присуствуваа германскиот канцелар Ангела Меркел, италијанскиот премиер Матео Ренци, францускиот претседател Франсоа Оланд, австрискиот канцелар Крисијан Керн, како и претседателот на Европската комисија Жан Клод Јункер.
Новиот тунел овозможува брзо и лесно патување со железница од Ротердам во Холандија, до Џенова во Италија.
Изградбата чинеше 12 милијарди долари, а при изградбата се ископани и извадени 28 милиони тони камења и земја.
Тунелот во употреба ќе биде пуштен во декември годинава и при тоа патувањето од Цирих до Миланоо ќе го сведе на само два часа и 40 минути.
Предвидено е низ тунелот, секој дена да минуваат по 260 товарни и 65 патнички возови. Патувањето низ 57 километри долгиот тунел, ќе трае само 17 минути.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.