Ослободени германските новинари уапсени на грчко-турската граница
Двајцата германски новинари кои вчера беа уапсени од страна на грчката полиција на грчко-турската граница, додека известувале за движењето на мигранти во регионот, денеска се ослободени.
Двајцата новинари, 33-годишна жена и 31-годишен маж, изјавиле дека имале намера да прават документарен филм за мигрантите за телевизијата АРД.
Тие немале дозвола да престојуваат во добро чуваната погранична област меѓу двете држави.
- Новинарите вчера случајно ја пробиле забранетата зона, се наведува во соопштение од телевизијата.
Според германската Амбасада во Атина и локалните власти, таков вид инциденти се случуваат често, бидејќи областа не е јасно означена или затворена. Затоа, судот утврди дека новинарите се невини.
Апсењето на новинарите доаѓа една недела откако турската армија зароби двајца грчки војници кои ја преминале границата додека биле на патрола. Војниците се обвинети за шпионажа.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар