Општина Струмица ќе им помага на трговците од „Глобал“ за проценка на штетите од пожарот
Сопствениците и корисниците на деловни објекти кои претрпеа штети од пожарот во Трговскиот центар „Глобал“ попладнево од Општинската комисија за проценка на штети од елементарни непогоди добија инструкции и насоки за пријавување и проценка на штетата, соопштија попладнево од локалната самоуправа.
На средбата опствениците и корисниците биле детално информирани за спроведување на законската постапка за поднесување барање за финансиска помош од државата.
-Според единствената методологија за проценка на штети од елементарни и други непогоди, правните лица сами ја проценуваат штетата формирајќи сопствена комисија. Пополнетите формулари ги доставуваат до Општинската комисија, која како збирен извештај го доставува до Советот на општина Струмица и по неговото усвојување ќе биде доставен до Републичката комисија за проценка на штети, а ќе биде даден на разгледување и во Бирото за судски вештачења, појаснија од Општината.
На средбата било заклучено Општина Струмица да им отстапи една просторија во општинската зграда на сопствениците и корисниците каде ќе можат заедно со членовите на Општинската комисија точно и навремено да ги пополнат формуларите.
Инаку, проценката на штетите ќе се одвива на три нивоа-штети на објекти, на основни средства и на трговска стока.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња