Општина Новаци определи посебна парцела за проектот „Нови типски куќи“
Општина Новаци ја прифати новата владина мерка и определи посебна катастарска парцела кај местото викано „Разловци“ на која се определени околу 100 посебни градежни парцели за изградба на куќи во Нова типска населба.
Градоначалникот на општина Новаци Лазар Котевски најави дека избраната парцелата предвидена за реализација на проектот „Нови типски куќи“ опфаќа околу 4 хектари.
- Владата ќе обезбеди средства за изработка на урбанистичка документација, како и потребната инфраструктура, односно спроведување на водовод и канализација, изградба на патишта и слично. Дополнително, државата за граѓаните обезбеди бесплатни проекти за куќа, што претставува уште една заштеда за искористување на оваа понуда за изградба на куќа со различна квадратура, појасни Котевски.
Од општина Новаци информираат дека на заинтересираните млади кои сакаат да градат типски куќи, земјиштето ќе им се продава по цена од 1 евро за метар квадратен. Просечната цена на комуналиите на територијата на општина Новаци изнесува 120 денари на метар квадратен и е значително помалку споредено со цената на градежното земјиште кое во некои општини изнесува и до 200 евра на метар квадратен .
- Сите процедури треба да завршат во втората половина на годината, а потоа земјиштата, на граѓаните ќе им се нудат на транспарентни јавни аукции, потврди Котевски и нагласи дека очекува Македонците од дијаспората кои потекнуваат од општина Новаци да покажат голем интерес за оваа владина поволност и идеја за изградба на типски куќи.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер