Општина Кочани додели 26 студентски стипендии
Дваесет и шест редовни студенти, жители на Општина Кочани, ќе користат стипендии за тековната студиска година како финансиска поддршка од буџетот на локалната самоуправа. Избраните студенти студираат на факултетите на јавните високошколски установи во Штип и Скопје, што беше еден од критериумите за учество на огласот.
На конкурсот за стипендирање, што беше објавен кон крајот на ноември и со кој беа предвидени средства за 30 стипендии, се пријавиле 28 кандидати, при што општинската комисија утврдила дека двајца не ги исполнуваат потребните услови.
– Годинава бројот на стипендистите е речиси удвоен во споредба со претходните години. Тоа се должи на несовпаѓањето на периодот за аплицирање за општинските стипендии со конкурсот за државни стипендии, што придонесе за подобро искористување на буџетските средства по овој основ, истакнаа од Секторот за јавни дејности во Општина Кочани.
Бодувањето на кандидатите е според постигнатиот висок успех во студирањето, а приоритет имаа студенти на факултетите за медицински науки, студенти од социјално загрозени семејства и од ромската етничка заедница. Како дефицитарни кадри, основ по кој кандидатите добиваат уште по пет бода, беа утврдени студентите на текстилно инженерство, ветеринарство, музичка уметност, хемија, биологија и на технолошки науки.
Стипендиите се доделуваат за период од десет месеци, а се однесуваат на студиската 2019/20 година, при што износот е три илјади денари месечно по студент.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри