Општина Карпош ја расчистува депонијата кај СЦ „Борис Трајковски“
Општина Карпош започна со чистење на депонијата во близина на Спортскиот центар „Борис Трајковски”, што изминатава недела гореше во два наврати.
Oд утринава, како што соопштија од Општината, на терен, интензивно се работи со соодветна тешка механизација, (гасеничари, камиони и сл.) а во акцијата ќе се вклучат и комуналните служби на општината.
Од 16 часот на овој дел ќе има двајца дежурни комунални редари на локалната самоуправа.
Градоначалникот на Општина Карпош, Стефан Богоев апелира до СВР Скопје да се зголемат полициските патроли и дежурства во овој предел во текот на викендот и престојните денови.
Од Општина Карпош соопштуваат дека во изминативе три години континуирано се работи на чистење на депониите. Затворена е децениската депонија кај хотелот „Александар Палас”, во Злокуќани (кај фудбалското игралиште), како и во Бардовци (долж Лепенец), а целосно е исчистен и израмнет теренот кај мостот „Газела”, што прераснува во нов парк.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка