Општина Битола ќе издвои 27 милиони денари за финансирање програми од културата
Општина Битола во 2017 година ќе вложи 27 милиони денари, буџетски средства за поддршка на програмите од областа на културата.
Од Oдделението за јавни дејности потврдија дека во наредната година финансиски ќе бидат помогнати повеќе проекти од сферата на културата, дел од нив традиционални, но и нови креативни содржини.
Општините, посочуваат од Одделението, се надлежни за вршење на институционална и финансиска поддршка на културните установи и проекти, негување на фолклорот, обичаите, старите занаети и слични културни вредности, организирање културни манифестации и поттикнување на разновидни специфичнини форми на творештво.
- Општина Битола реализира низа проекти во културната сфера, дел од нив во традиционален контекст, а тековно се иницираат и реализираат и нови проекти од помал или поголем обем, со што општината покажува дека е способна како за креативно, така и за организациско надградување на културната понуда во градот. Овој тренд ќе продолжи и тој истовремено им овозможува на многу млади уметници од Битола да бидат дел од културната понуда во текот на 2017 година, информираат од Oдделението за јавни дејности при општина Битола.
Според програмата, во 2017 година со општински средства ќе бидат поддржани културните манифестации „БитФест“, ИФФК „Браќа Манаки“, „Интерфест“, „Илинденски денови“, „Мал битолски Монмартр“, ФАДФ „Камера 300“, графичко триенале и други национални и интернационални културни настани.
- Со новите концепции културата се третира како развој и затоа треба постојано да се ревитализира и да се развива, за да може да обезбеди духовна и економска репродукција. Искористувањето на културата како ресурс за развој, претпоставува дека таа нема да се однесува само на интимниот свет на уметноста и затоа проширувањето на подрачјето на културата ќе се одвива и низ развојот на културниот туризам. Со културниот туризам се афирмира и промовира културното наследство пред домашната и странска публика, а поврзувајќи се со една економска дејност, културата ќе остварува финансиска добивка, нагласija од општина Битола.
Во 2017 година општина Битола посебен акцент ќе стави на регионалната меѓуопштинска соработка, како и на меѓународната соработка со фокус на збратимените градови од Европа.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка