Оксфордската вакцина против коронавирус добро ги штити старите лица
Вакцината против коронавирус од Оксфорд разви силен имунолошки одговор кај луѓето во 60-тите и 70-тите години, давајќи надеж дека може да обезбеди добра заштита на најранливите групи.
Научниците кои работат на вакцината рекоа дека резултатите од втората фаза на клинички испитувања, спроведена врз 560 здрави доброволци, се охрабрувачки и дека сега работат на трета фаза каде што се тестира дали вакцината може да спречи инфекција со коронавирус. Не се пријавени никакви несакани ефекти, наведува „Скај њуз“.
Светот одамна има најголеми очекувања од оксфордската вакцина, што ја развиваат научници од тој универзитет во соработка со компанијата „АстраЗенека“. Во меѓувреме, тестовите беа прекинати поради фактот што некои учесници развија посериозни проблеми. Сепак, тестирањето сега продолжи.
Во меѓувреме, вакцините на американските компании „Фајзер“ и „Модерна“ започнаа со тестирање на третата фаза, а нивните први резултати ветуваат бидејќи покажуваат ефикасност поголема од 90 проценти и немаат посериозни несакани ефекти.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер