ОЈО поднесе обвинение за извршител на две кражби во Скопје
Основното јавно обвинителство Скопје поднесе обвинителен предлог против 40-годишен скопјанец за кражба и тешка кражба извршени на 13 и 15 јануари годинава во една од канцелариите на Факултетот за ветеринарна медицина и во просториите на ПЗУ Ре-Медика во Скопје.
Лицето се товари дека од канцеларијата на Факултетот одзел машки паричник во кој имало 16.000 денари, две кредитни картички, лични документи и други предмети, по што истиот ден, употребил една од противправно стекнатите кредитни картички во маркет и направил трансакција од 666 денари.
На 15 јануари, обвинетиот влегол во просториите на ПЗУ Ре-Медика и со употреба на физичка сила ја скршил бравата од шкаф за чување лични работи на еден од лекарите вработени во оваа здравствена установа. Од шкафчето тој одзел паричник во кој имало 4.000 денари, три платежни картички и други документи. Истиот ден, во рок од половина час, со картичките направил седум трансакции во различни маркети во вкупен износ од 4.325 денари.
Надлежниот јавен обвинител до Основниот кривичен суд Скопје доставил предлог за продолжување на претходно определената мерка притвор за обвинетиот.
Лицето се товари дека сторил едно кривично дело „кражба„ од член 235 став 1 и едно кривично дело „тешка кражба“ казниво според член 236 став 1 точка 1 од Кривичниот законик.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка