Охриѓанец прво „завршил работа“, платил па ја претепал и ограбил проститутката

НК за КР Kичево поднесе кривична пријава против Т.Б. (40) од Охрид поради постоење основи на сомнение за сторено кривично дело „разбојништво“.

 

На 7.овој месец околу 22,30 часот кај спомен костурницата „Китино Кале“ во Кичево, по претходен договор дека лицето Н.Џ. од Кочани за 1.500 денари ќе му пружи сексуални услуги и откако завршиле со сексуалниот чин истиот започнал да ја удира со тупаници Н.Џ. по главата и телото, при што и нанел телесни повреди во пределот на главата, а потоа со употреба на физичка сила и ја одзел ташната во која имала 4.500 денари, два мобилни телефони, лични документи, златен накит, како и 1.500 денари кои претходно и ги дал за договорените услуги, по што со неговото патничко возило си заминал.