Охрид полн со туристи за продолжениот празничен викенд
Охрид го живее шпицот на сезоната. Градот е преполн со гости за продолжениот илинденски викенд, најбројни се домашните и од нашето опкружување но не изостануваат ни оние од подалечните земји и тоа претежно од Холандија, Белгија, Полска, Романија, Украина.
Хотелските капацитети и приватното сместување се целосно исполнети во централното подрачје и покрај кејот на езерото а место повеќе се бара и во периферните делови од градот.
Угостителите велат дека градот нуди понуда за сечиј вкус а дополнително концертите и фестивалите ја збогатуваат атрактивноста .
За време на продолжениот викенд во главниот туристички центар има засилени полициски контроли во сообраќајот ,централното градско јадро, и кон плажите но и инспекциски контроли во угостителските објекти.
-
Нина Аритоновска
Сите содржини од овој новинар