Охрид подготвен за Новогодишната ноќ
Охридските хотелиери се подготвуваат за Новогодишните празници. Најбројни гости како што велат ќе бидат оние од нашето соседство и домашните но нема да изостанат ни странските а најбарани се дводневните и тридневните пакет аранжмани. Тие се надеваат дека протоколите ќе останат такви какви што се и нема да има измени.
Градоначалникот Пецаков најави и дочек на Новогодишната ноќ на Градскиот плоштад. Ќе има музичка програма на која ќе настапуваат охридски музичари и групи кои ќе ги забавуваат посетителите.
Охрид подготвен и украсен ќе ги дочека гостите кои за празниците ќе одмараат на брегот на езерото.
Но сепак туристичките работници стравуваат дека намалениот стандард поради економската криза предизвикана од високите цени и новите затворања на земјите поради новите соеви на коронавирусот ќе го сведат на минимум патувањето на граѓаните.
-
Нина Аритоновска
Сите содржини од овој новинар