Одложена седницата на Комисијата за труд и социјална политика
Седницата на собраниската Комисија за труд и социјална политика, која беше закажана за денеска напладне, беше одложена, а присутните членови на Комисијата беа информирани дека за новиот термин ќе бидат дополнително известени.
На дневен ред на Комисијата за труд и социјална политика е Предлог - законот за изменување и дополнување на Законот за пензиското и инвалидското осигурување.
Со измените и дополнувањата се предлага во категорија на осигуреници да се опфати и физичкo лицe коe е регистриранo како вршител на самостојна дејност за трговија на мало на тезги и пазари, запишан во регистарот на Комората на трговци на Македонија.
Со ова, како што вели предлагачот, се врши усогласување со Законот за трговија на зелени пазари. Во овој закон содржани се одредби кои се однесуваат на прием во задолжително социјално осигурување на „Трговец на зелени пазари“ и тоа опфаќа невработено физичко лице што врши трговија на мало на тезги и пазари, физички лица кои се занимаваат со земјоделска дејност, трговци поединци.
Исто така, за категоријата на осигуреници кои работат на работни места на кои стажот на осигурување се смета со зголемено траење им се овозможува намалувањето на старосната граница за остварување право на старосна пензија да се врши пропорционално на времето поминато на работа со бенефициран стаж.
За категоријата осигуреници кои работат на работни места на кои ефективно поминати 12 месеци стаж на осигурување се смета како стаж на осигурување со зголемено траење на работни места и работи кои се изведуваат под земја им се овозможува да остварат право на старосна пензија и со навршување на 40 години пензиски стаж (маж), односно 35 години пензиски стаж (жена).
Во Собранието на Република Македонија денеска се одржува и седница на Комисијата за уставни прашања на која на дневен ред е Предлогот за пристапување на измени на Уставот во согласност со договорот од Преспа.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар