Одбележување на Европската недела на мобилноста 2016
Град Скопје и годинава со повеќе активности ќе ја одбележи Европската недела на мобилноста 2016. Од денеска до 22 септември, Град Скопје ќе организира разновидна програма наменета за сите граѓани, од најмладите до највозрасните, како и за јавниот и приватниот сектор.
Годинава тема на Европската недела на мобилност е „Паметна и одржлива мобилност – влог за Европа“. Град Скопје ја реализира Европската недела на мобилност 2016 во соработка со невладината организација ОРТ, со Делегацијата на Европската унија во Македонија, Министерството за животна средина и просторно планирање и УНДП.
Во овие седум дена Град Скопје ќе претстави многубројни активности и проекти што се поврзани со одржливата мобилност и ќе испрати порака за користење на алтернативните видови транспорт.
Граѓаните ќе имаат можност да се едуцираат, да спортуваат, да се натпреваруваат, да разменуваат позитивни искуства и да учествуваат на трибини и форуми посветени на одржливиот транспортен систем. Традиционално, Европската недела на мобилноста 2016 ќе заврши на 22 Септември, на Денот без автомобили, со големо велосипедско дефиле што ќе се вози на градските улици.
- Манифестацијата има за цел да ги поттикне локалните политичари и јавноста, паметната и одржлива мобилност да ја препознаат како инвестиција за Европа, информира Град Скопје.
Ново на Сител
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис