Од денеска за влез во Австрија е потребен задолжителен ПЦР тест
Во Австрија на полноќ стапија во сила новите мерки за влез во земјата од таканаречените ризични региони, во кои спаѓаат и сите земји од Западен Балкан.
За граѓаните на Австрија, ЕУ, Европската економска заедница, Швајцарија, како и сите државјани на трети земји кои живеат во Австрија, кога се враќаат од регионите со ризик, според указот на Министерството за здравство, новите мерки значат дека тие мора да покажат негативен ПЦР тест на границата, не постар од три дена.
Доколку немаат ПЦР тест при влезот, тие мора да одат во самоизолација, што може да се прекине со таков ПЦР тест, доколку се направи во Австрија во рок од 48 часа, на сопствен трошок.
Доколку ПЦР тестот не се направи во рок од 48 часа на лицето ќе му се изрече парична казна до 1.450 евра.
Задолжителен карантин, дури и во случај на негативен ПЦР тест, е предвиден само за државјани на трети земји кои не живеат во Австрија, кои, меѓутоа, и натаму не можат да влезат во Австрија без „валидна причина“.
Уредбата, исто така, го намали времетраењето на самоизолацијата, од претходните 14 на 10 дена, а државјаните на трети земји не можат да ја прекинат самоизолацијата дури и со ново тестирање во Австрија.
Посебно правило важи за дипломатите, сезонските работници и негувателки од трети земји, а тоа е дека тие мора да покажат негативен ПЦР тест и да одат во десетдневен карантин, што може да го напуштат само по нов тест направен во Австрија, се разбира доколку е негативен.
Транзит низ Австрија без запирање е можен, според уредбата, без никакви ограничувања.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација