Свет
28. September 2016 - 11:05

Обама, Клинтонови и папата Франциско ќе присуствуваат на погребот на Шимон Перес

Израелското Министерство за надворешни работи соопшти дека многу светски лидери ќе присуствуваат на погребот на поранешниот претседател Шимон Перес, закажан за петок, пренесоа американските медиуми.

Меѓу високо позиционираните личности, кои се очекува да пристигнат се американскиот претседател Барак Обама, Бил и Хилари Клинтон, папата Франциско, принцот Чарлс и канадскиот премиер Џастин Трудо.

Израелскиот претседател Реувен Ривлин денеска информира дека ќе ја прекине својата официјална посета на Украина за да присуствува на погребот на Перес, пренесе ДПА.