Свет
4. July 2020 - 14:09

Ново жариште на коронавирусот во Италија, главен виновник е маж од Косово

Во италијанскиот регион Трентино-Алто Адиџе е идентификувано ново жариште на коронавирус, откако маж се вратил во Италија, по посетата на родното Косово.

Тој по враќањето организирал собир, по што најмалку осум лица се заразени, јавуваат локалните медиуми.

„Нулта пациентот“ на новото жариште во Трентино не само што не ги почитувал мерките за 14-дневен карантин, туку и организирал забава на 21 јуни, на која поканил повеќе од 20 лица од местото , кои биле исто така од Косово, јавува Today.it.

Како што се додава, здравствената состојба на тој човек се влошила на 24 јуни, поради што бил однесен во болница.