Новите алатки за заштита на правната држава пред министрите на ЕУ
Министрите за европски и надворешни работи на ЕУ денеска ќе го разгледуваат новиот предлог на Европската Комисија за заштита на владеењето на правото и правната држава во земјите членки.
Потпретседателот на ЕК, Франс Тимерманс, денеска на Советот за општи работи во Брисел ќе го презентира новиот предлог со кој Комисијата треба да го зајакне својот надзор врз владеењето на правото во земјите членки на ЕУ.
-Во изминатите пет години, Европската Комисија се соочуваше со серија предизвици за владеење на правото во ЕУ. Европскиот проект се заснова врз постојаното почитување на владеењето на правото, ова е предуслов за граѓаните да ги уживаат своите права и за заемна почит меѓу земјите членки, стои во објаснувањето на ЕК за новите предлог-мерки.
Европската Комисија веќе неколку години бара решение, посебно откако состојбата значително со влоши во источноевропски земји членки како Унгарија и Полска, но мораше да изнајде решение кое нема да го впери прстот само кон источна Европа.
Новите алатки беа конечно презентирани вчера и предвидуваат воведување годишен механизам за надзор од страна на ЕК, по модел на тоа што веќе постои за надзор на националните буџети.
Земјите членки ќе треба да воспостават национална контакт точка задолжена за справување со проблемите во владеење на правото.
Предлогот на Европската Комисија се заснова врз три столбови: промоција на култура на правната држава, рана детекција на проблемите и ефикасност на предложените лекови.
Министрите на ЕУ денеска ќе го слушнат потпретседателот Тимерманс на оваа тема, и се очекува да биде релативно добро примена со оглед на фактот дека предложените инструменти ќе се применуваат на сите земји на ЕУ, а не само Унгарија и Полска, двете земји кои се моментално предмет на повеќе прекршочни процедури поради сериозни повреди врз владеењето на правото.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност