Балкан
29. October 2015 - 15:05

Нови апсења на осомничени членови на ИД во Истанбул

Турската полиција приведе денеска 15 членови на џихадистичката група Исламска држава во операција преземена на 28 места во истанбулските квартови Багџалар и Башкашехир.

Во операцијата според турски медиуми, учествувале специјалци и од одделот за борба против тероризмот.

Запленети се пет автоматски пушки, објави Хуриет дејли њуз.

Турските власти ги проширија акциите спрема членови на ИД по двојниот самоубиствен напад во Анкара на 10 октомври во кој загинаа над 100 луѓе. Тоа беше најсмртоносен терористички напад во историјата на Турција.