Нови апсења на Косово поради тероризам
На Косово денеска се уапсени уште две лица, кои се осомничени за тероризам, а ова е продолжување на полициската акција во која минатата недела беа приведени седум лица осомничени дека планирале напади на Косово и во други делови на Балканот.
Антитерористичката единица на косовската полиција изврши операции на три различни локации во Качаник, Витина и Митровица, при што уапси две лица, поради сомнеж дека „дејствувале против безбедноста и уставниот поредок на Косово“, а по налог од обвинител им бил одреден притвор од 48 часа.
Косовскиот јавен обвинител изјави дека седуммината осомничени припадници на Исламска држава, кои се приведени минатата недела на Косово, планирале напади на Балканот и добивале инструкции од екстремисти во Сирија. Седуммината осомничени имале контакти во соседните држави, Македонија и Албанија, додека останатите осомничени од истата група и понатаму се на слобода.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж