Нови 30 дена притвор за Зоран Божиновски
Кривичниот совет при Основниот суд Скопје 1 - Скопје, постапувајќи по предлог на Основното јавно обвинителство за организиран криминал и корупција за продолжување на мерката притвор за обвинетиот З.Б., донел решение со кое го прифатил предлогот на обвинителството и ја продолжи мерката притвор за 30 дена, информираат од Кривичниот суд.
- Обвинителството за организиран криминал и корупција со предлогот за продолжување на мерката притвор поднесе и обвинителен акт против истото лице заради основано сомнение дека ги сторил кривичните дела Злосторничко здружување од член 394 ст.2, Шпионажа од член 316 ст.3 в.в со чл.45 и Уцена од член 259 ст.2 в.в со ст.1 в.в со чл.19 од КЗ, кој согласно одредбите од стариот Закон за кривична постапка, по кој се води овој предмет, ќе биде распореден кај судија за понатамошно постапување, за што јавноста ќе биде навреме информирана, се наведува во денешното соопштение од Судот.
За овие кривични дела З.Б. беше гонет во текот на 2013 година, но поради неговата недостапност на органите на прогонот истрагата беше прекината и продолжи по екстрадиција на обвинетиот од Република Србија во Република Македонија на 21 април годинава.
Ново на Сител
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии