Новак Ѓоковиќ ја прослави победата против Хуркач со „Македонско девојче“
Лесна победа за Рафаел Надал на Вимблдон. Во три сета елиминиран Французинот Вилфрид Цонга кој покажа немоќ против големиот фаворит и воопшто не успеа да го загрози сервисот на Надал освојувајќи вкупно 9 поени во сервис-гемовите на Шпанецот.
Надал во осминафиналето ќе игра со победникот од дуелот Еванс – СОуза кој е во тек.
„Не го посакувате Цонга во третото коло на Вимблдон, но ова беше мој ден. Играв добро од почетокот до крајот. Одлично сервирав, враќав и посебно ме служеше бекхендот“ изјави по мечот среќниот Надал.
Уште посреќен од Надал сигурно беше Новак Ѓоковиќ кој денеска го славеше пласманот во 3. Коло со песната Македонско девојче и посака да е во Охрид барајќи од фановите да му испратат фотографии од македонскиот бисер.
Овој момент го забележа и македонскиот премиер Зоран Заев кој експресно го покани српскиот тенисер да го посети Охрид упатувајќи му отворена покана од владата и македонските граѓани.
Да потсетиме Ѓоковиќ вчера го елиминира полјакот Хуркач и во осминафиналето ќе игра со Французинот Уго Амбер.
-
Зоран Николовски
Сите содржини од овој новинар