Македонија
7. October 2016 - 14:27

Нова улица во општина Аеродром

Општина Аеродром неодамна изгради нова улица „Новопроектирана 4“ меѓу новите згради во локалитетот Индустриска зона.

Како што информираат од Општината, станува збор за собирна улица во должина од околу 500 метри и широчина од 16 метри.

- Улицата е составена од две сообраќајни ленти од по шест метри, како и тротоари од двете страни на улицата од по два метра. Претходно на оваа локација беше изведена целосно нова фекална и атмосферска канализација, водоводна мрежа, а исто така се предвидени и нови линии за јавно осветлување, така што овој дел од населбата ќе добие целосно нов и поурбан лик, а жителите на новите згради современи услови за живот, велат од општина Аеродром.