Нова пречистителна станица за комунални отпадни води во село Црник
Пехчево најави изградба на пречистителна станица за комунални отпадни води во селото Црник, со што ќе се реши проблемот со отпадните води на околу 1000 жители и ќе се заштити од загадување Црничка Река, како и подземните води во поширокиот регион.
Градоначалникот на Пехчево, Игор Поповски, истакна дека со подготвителните работи за проектирање на трасата и пробивање пристапен пат, започнаа да течат активностите, а оваа недела и официјално ќе започне изградбата на пречистителната станица за комунални отпадни води.
- Со овој проект покажуваме дека остануваме посветени на реализација на проектите кои ги ветивме на граѓаните. Изградбата на пречистителна станица за комунални отпадни води во с.Црник ќе придонесе жителите да живеат во здрава и чиста средина, превенираме заразни болести, ќе се прочистуваат водите и ќе има правилен третман на отпадните води. Сето ова треба да доведе до подобар квалитет на животот во ова село, рече Поповски.
Вредноста на проектот изнесува 1.764.307 денари, додека средствата се обезбедени преку Министерството за животна средина и просторно планирање и општина Пехчево.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“