Балкан
24. December 2018 - 14:11

Нова несреќа на железнички премин: Воз се заби во автомобил кај Врњачка бања

Утрово воз удрил во автомобил кој минувал преку железнички премин на излезот на Врњачка бања во правец кон Крушевац, пренесува „Танјуг“.

Само три дена по страшната несреќа во близина на Ниш во која загинаа пет лица, кога воз удри во автомобил на железнички премин, во соседна Србија се случи нова железничка несреќа.

Несреќата се случила на излезот на Врњачка бања во правец на Крушевац, кога на премин обезбеден со рампа воз удрил во автомобил која најверојатно не го забележал шинското возило.

Во несреќата е повреден возачот на автомобилот, засега не е познато и дали рампата била во функција на овој железнички премин.