Нов циклус на грантови за земјоделците во Струмичко и Радовишко од УНДП и Швајцарската агенција за развој и соработка
Нови 250 илјади евра во грантови ќе бидат доделени на 50 земјоделци од Струмичкиот и Радовишкиот Регион како поддршка во воведување модерни агро-еколошки мерки во производството на овошје и зеленчук.
Овој циклус на грантови, трет по ред во регионот, го најавија регионалната директорка на Програмата за развој на Обединетите нации (УНДП) за Европа и Централна Азија, Мирјана Шполјариќ Егер и швајцарската амбасадорка во земјата, Сибил Техада при посетата на Струмичкиот Регион.
– Овде, во сливот на реката Струмица, ги поставивме основите за една долгорочна трансформација на начинот на кој се користат водните ресурси, а модерните мерки во земјоделското производство кои се користат во Европската Унија и во Швајцарија ги претвораме во реалност, изјави швајцарската амбасадорка Техада.
Застарените методи на производство се покажаа како неодржливи како од аспект на квалитетот на производите и приносот, така од аспект на одржувањето природната рамнотежа на екосистемите.
– Охрабрени од резултатите што се постигнаа во пилот фармите во рамките на претходните циклуси на грант програмата, бројот на производителите кои ги усвојуваат новите методи постојано расте. Прекумерната употреба на агро-хемикалии и нерационалното трошење на вода за наводнување доведоа до нарушување на природниот баланс на речниот слив. Но, на повидок се решенија кои ќе помогнат да се надминат овие предизвици“, рече Мирјана Шполјариќ Егер, регионална директорка на УНДП.
Регионалната директорка на УНДП и амбасадорката на Швајцарија, заедно со постојаната претставничка на УНДП во земјата, Нарине Сахакијан, ги посетија Терапевтската заедница „Покров“ во Струмица и Винаријата „Далвина“.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца