Нов бран антивладини протести во Полска
Десетици илјади демонстранти се собраа на улиците од Варшава и уште во 20 други градови во Полска во текот на изминатиот викенд на протести против новата конзервативна влада.
Организатор на протестите е организацијата која се нарекува „Комитет за одбрана на демократијата“ во земјата, која тврди дека демонстрациите се спроведуваат за да се одбрани Уставот на Полска.
Бранот протести избувна откако новата десно-центристичка влада, одлучи да смени петмина од вкупно 15 судии на Уставниот суд, настојувајќи во највисоката судска власт во земјата да се најдат судии кои би биле блиски до неа.
Демонстрантите и критичарите на ваквиот план, што би значел смена на една третина од судиите, го окавалификуваат како обид за „партизација на Уставниот суд“ за да се „неутрализира“ неговата работа.
Според полските закони, Уставниот суд може да блокира владини одлуки и прописи, што критичарите тврдат дека новата влада сака да го оневозможи.
Партијата на „Правото и правдата“ победи на изборите во октомври, обезбедувајќи мнозинство во двата дома на полскиот Парламент.
Од редовите на оваа партија е и претседателот на државата.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација