Соба со поглед на Охридското езеро и здрава исхрана се најчестите побарувања од страна на врвните уметници кои настапуваат на фестивалот Охридско лето но по вкусот на традиционалната македонска кујна најголем впечаток им остава макалото и рибата додека во поглед на сценско техничкиот дел бараат врвни услови за настапот.

Во недела на отварањето на фестивалот на Античкиот театар за настапот на Кармина бурана во реализација на продукциската куќа Ла Фура делс Баус ќе има најсовремена видео, светлосна и аудио опрема според светските трендови.