Над 17 илјади блокирани сметки и долг од речиси 20 милиони евра – Град Скопје ги активираше законските механизми за наплата на заостанатите даноци. Градоначалникот денеска ги повика граѓаните и правните лица во рок од две недели да ги подмират долговите за данок на имот од 2022 година, за да се избегнат дополнителни трошоци. Нагласи дека не се размислува за нивно зголемување и покрај тоа што имаме најевтини во регионот.