Невремето „Викторија“ создаде проблеми во цела Грција
Затворени училишта, поплавени улици, паднати дрвја, лизгање на земјиштето, во повеќе делови на Грција предизвика невремето „Викторија“, што од вчера ја зафати земјата, а најпогодени се Крит и островите во Јонското море. Особено е погоден островот Крф, каде што денес се затворени училиштата, јави дописничката на МИА од Атина.
Противпожарната служба на Крф, според локалните медиуми, била повикана да интервенира за сечење и отстранување на паднати дрвја. Поради силниот ветер, бродовите на островот останале закотвени на пристаништата, а обилниот дожд предизвикал поплави и проблеми на улиците. Градоначалниците од општините на Крф, доцна синоќа, на вонреден состанок и во координација со директорите на училиштата, одлучија денеска, основните и средните училишта да бидат затворени.
Невремето ги погоди и останатите острови во Јонското море, на Закинтос и Кефалонија, создаде проблеми и материјална штета на улиците, но и на домови.
Најголемо количество дожд, грчката Национална опсерваторија во текот на вчерашниот ден регистрира на островот Итака, каде што за околу осум часа заврнале 71 сантиметри на метар квадратен.
Дополнително ќе се пресметуваат и ќе се санираат штетите од „Викторија“ на островите во Јонското море.
Во текот на вчерашниот ден, невремето го погоди и островот Крит, а од доцна синоќа и Атина. Обилниот дожд, утрово создаде проблеми на улиците во грчката престолнина.
Ново на Сител
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот