Нетфликс одби да ја обележи серијата „Круна“ како фикција
Американската стриминг-платформата „Нетфликс“ го отфрли повикот на британскиот министер за култура во врска со драмската серија „Круна“, објавија неколку британски медиуми во неделата.
Министерот Оивер Дауден побарал од стримерот на почетокот на секоја епизода на серијата да биде вметнато известување со кое јасно би се ставило на знање дека станува збор за фикција односно измислено дело.
Секретарот за култура е меѓу неколкуте истакнати личности во Велика Британија кои тврдат дека серијата, во која актерите играат членови на кралското семејство, ризикува да им даде на гледачите погрешен и штетен впечаток за монархијата.
Според медиумските извештаи, Дауден и „Нетфликс“ размениле преписки за ова прашање.
„Нетфликс“ не одговори веднаш на мејлот од „Ројтерс“ со барање за коментар, а портпаролката на Министерството за култура во Лондон одби да даде коментар.
Сепак, некои медиуми го цитираат стриминг-гигантот, кој наводно, е уверен дека гледачите знаат дека серијата е лабаво заснована на вистински настани.
„Ние секогаш ја претставувавме „Круната“ како драма и имаме целосна доверба дека нашите претплатници разбираат дека тоа е дело на фикција што е во голема мера заснована на историски настани,“ одговорил стримерот цитиран од британските медиуми.
„Како резултат на тоа, ние не планираме – и не гледаме потреба – да додадеме било какво одрекување на одговорност.“
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка